मूल्य सूची दर्ता सम्बन्धी सूचना

प्रयत्न नेपालद्वारा आर्थिक वर्ष वि.स. २०८२/०८३ – २०८३/०८४ का लागि आवश्यक पर्ने विभिन्न सेवा तथा सामाग्रीहरूको आपूर्ति प्रयोजनका लागि नेपाल सरकारबाट स्वीकृति प्राप्त इच्छुक दर्ता भएका फर्म/कम्पनीहरू तथा व्यक्तिगत सेवा प्रदायकहरू बाट मूल्य सूची (Rate List) सहितको प्रस्ताव आह्वान गरिन्छ।

इच्छुक आपूर्तिकर्ता तथा सेवा प्रदायकहरूले आफूले उपलब्ध गराउने सेवा तथा सामाग्रीको विवरण र मूल्य सूची सहित आवश्यक कागजातहरू संलग्न गरी सूचना प्रकाशित भएको मितिले १० (दश) दिनभित्र आवेदन पेश गर्नुहुन अनुरोध गरिन्छ।

आवेदन पेश गर्दा संलग्न गर्नुपर्ने कागजातहरू:

फर्म/कम्पनीका लागि:

दर्ता प्रमाणपत्र
स्थायी लेखा नम्बर (PAN) प्रमाणपत्र
मूल्य अभिवृद्धि कर (VAT) दर्ता प्रमाणपत्र (नविकरण सहित)
कर चुक्ता प्रमाणपत्र
व्यक्तिगत सेवा प्रदायक (Consultant/Expert) का लागि:
अद्यावधिक बायोडाटा (CV)
विषयगत विशेषज्ञताको विवरण
PAN कार्डको प्रतिलिपि
अपाङ्गता परिचयपत्र (अपाङ्गता भएका व्यक्तिहरूको हकमा)

आपूर्ति गर्नुपर्ने सेवा तथा सामाग्रीहरू:

१. सेवा समूह (Services):

होटेल तथा आतिथ्य सेवा
लेखा परीक्षण (Audit) सेवा
परामर्श सेवा (Consultancy) जस्तै: यौन तथा प्रजनन स्वास्थ्य अधिकार (SRHR), महिनावारी व्यवस्थापन, अपाङ्गता समावेशी विकास, डिजिटल पहुँचयुक्तता (Accessibility Audit), गमनशीलता (Mobility Training), प्रस्ताव लेखन (नेपाली/अंग्रेजी), अनुवाद सेवा, डिजिटल सुरक्षा तालिम, परियोजना मूल्याङ्कन (Evaluation), वेबसाइट तथा एप विकास, सांकेतिक भाषा दोभाषे, क्याप्सनर तथा भाषा अनुवादक

२. आपूर्ति तथा मर्मत (Supply & Maintenance):

स्टेशनरी (मसलन्द) सामग्री
कम्प्युटर, ल्यापटप, प्रिन्टर, क्यामरा, मोबाइल तथा पार्टपुर्जा
उपकरण मर्मत सेवा
इलेक्ट्रिकल तथा प्लम्बिङ्ग सेवा

३. अन्य सेवाहरू:

गाडी भाडा तथा ढुवानी सेवा
रेडियो/टिभी सामग्री पहुँचयुक्त ढाँचामा निर्माण तथा प्रसारण
रेकर्डिङ स्टुडियो सेवा
विज्ञापन सेवा
फ्लेक्स, ब्यानर, फोटोकपी तथा छपाई
फर्निचर तथा फर्निसिङ्ग
कुरियर सेवा
किराना तथा अन्य कार्यालय आवश्यक सामग्री

आवेदन पेश गर्ने स्थान र माध्यम

📧 इमेल: [email protected]

📞 सम्पर्क नम्बर: ९८५१३१२४३३

📍 सम्पर्क कार्यालय: प्रयत्न नेपाल, रानीवन, काठमाडौँ

छनौट सम्बन्धी मापदण्ड तथा सर्तहरू:

प्राप्त आवेदनहरूलाई मूल्य, योग्यता तथा अनुभव को आधारमा मूल्याङ्कन गरिनेछ।
सूचिकृत भएका फर्म/कम्पनी/विशेषज्ञहरूबाट मात्र आवश्यकता अनुसार सेवा तथा सामाग्री खरिद गरिनेछ।
सन्तोषजनक सेवा नदिने वा समयमै आपूर्ति नगर्ने आपूर्तिकर्तालाई पूर्व सूचना बिना सूचिबाट हटाउन सकिनेछ।
सूचिकरण गर्ने वा नगर्ने अन्तिम अधिकार प्रयत्न नेपालमा निहित रहनेछ।
यस सम्बन्धमा कुनै दाबी वा उजुरी मान्य हुने छैन।

आवेदन पेश गर्ने अन्तिम मिति :

यो सूचना प्रकाशित भएको मितिले १० दिनभित्र आवेदन पेश गर्नु पर्नेछ।